قصة KEMET

قصة KEMET بدأت لما اشترى مؤسسها قميصاً رياضياً من براند مصري معروف. اختار أعلى فئة كانت متاحة وقتها، لأنه كان متأكد إنه هيحصل على منتج يستحق اللي دفعه فيه. لكن بعد أول غسلة، اكتشف إن المشكلة مش في الفئات، المشكلة إن المنتج نفسه ما كانش قد التوقعات. وبما إننا من الناس اللي بتحب الكورة وبتلبس القمصان الرياضية بشكل مستمر، قررنا ندور على حل بدل ما نفضل نشتكي من المشكلة. ومن هنا بدأت KEMET. هدفنا من أول يوم ما كانش إننا نبيع تيشيرتات وبس. كان هدفنا نقدم المنتج اللي إحنا نفسنا كنا نتمنى نلاقيه. خامات تعيش، تفاصيل متقنة، وجودة تحسسك إن كل جنيه دفعته كان في مكانه. ولما جه وقت اختيار الاسم، كنا عايزين اسم يعبر عن جذور وهوية مصر. اخترنا KEMET لأنه اسم تاريخي بالنسبة لينا بيعبر عن الأصالة والهوية المصرية، الاسم اللي كان المصريون القدماء بيطلقوه على أرض مصر الخصبة، واللي كان رمز للحياة والنمو والقوة. إحنا لسه في بداية الرحلة، لكن في كل منتج بنشتغل عليه بنسأل نفس السؤال اللي بدأنا بيه: هل إحنا نفسنا هنلبس المنتج ده؟ لو الإجابة آه، يبقى يستحق يوصل لعميلنا. أهلاً بك في KEMET.